#suraq_zhauap
Әссаламуғалейкум уа рахматуллаһи Та'ала уа баракәтуh.
Менің сұрағым 8 наурызды тойлауға болама?
_______________________________________
Уағалайкумассалам уа рахматуллаһи уа баракатуһ!
Бұл мерекені тойлауға болмайды, кейбір діндарлар бұл мерекені тойлауға болaды деп айтса да!
Себебі, бұл мерекеге біздің дінімізде ешқандай орын жоқ. Бұл кәпірлердің, анығын айтқанда "Алла жоқ!" деуші атеистердің енгізген мейрамы болып табылады. Алла Елшісі ﷺ айтады: «Кімде-кім қай қауымға еліктесе, ол солардан» (Әбу Дауд).
Сондай-ақ, атеисттер бұл Хақ Исламның дұшпандары болып табылады. Алла Тағала Құранда айтады:
«Әй мүміндер! Менің дұшпандарымды да өз дұшпандарыңды да дос тұтпаңдар. Олар, сендерге келген шындыққа қарсы келсе де оларға сүйіспеншілік көрсетесіңдер». (Мумтәхинә сүресі,1 аят)
Ендеше, Алла дінін құртуды мақсат еткендердің, Әлемдердің Раббысы болған Алла Субханала уа Тағаланы мойындамаушылардың, әрі Оның сүйікті Елшісі Мухаммадтың ﷺ жолын тәлкек, мазақ етушілердің мерекесін тойлауға жүрегінде иманы бар қай мұсылман ықылас қоя алады ???
Алла Тағала айтқан :
«Аллаға, ақырет күніне иман келтірген бір елдің Аллаға, Елшісіне қарсы келгендерді сүйгенін көрмейсің» (Муджәдәлә сүресі,22 аят)
Осыған орай ислам ғұламасы, хафиз Имам Суютидің сөздерін келтірсек:
"Біл, кәпірлерге еліктемеу — ол Аллаһтың бұйрығы. Кәпірлерге еліктеу жүректердің ауруларынан. Ал жүрегінде ауру болған адамның басқа дене мүшелері жасаған амалдары қабыл болмайды. Мұсылман адамның жүрегі кәпірлерге еш нәрседе еліктемеуі керек, өйткені олардың жасап жатқан амалдары не күпірлік, не болмаса қандай да бір кемшілік. Аллаһқа сансыз мадақтар болсын, бізге игіліктің ең жақсысы және жақсылықтың анасы болған Ислам дінін түсіргеніне!
Шариғатымыз қайтарған амалдарды жасау жиіркенішті нәрсе. Ал, одан жиіркеніштісі мұсылмандардың басқа дін өкілдерінің ойлап шығарған құлшылықтарын жасауы .Егер мұсылмандар дінге жаңалық енгізуі жаман амалдардан болса, онда Алла Елшісі ﷺ көрсетпеген керісінше кәпірлер жасаған амалдар жайында не айтуға болады?! Кәпірлерге ұқсау ең ауыр күнәлардан. Мұсылманның кәпірлерге қандай да бір амалдарына еліктеуі бидғат немесе жек көрілген істерден болады. Алла Тағала олардың мерекелеріне қатыспайтын мұсылмандар жайында мақтаған :
«Олар өтірікке айғақ болмайды да, бос (пайдасыз) сөздерге кездессе, маңғазданып өтеді.» (Фұрқан сүресі,72-ші аят)
Жоғарыда, біз Пайғмбарымыз ﷺ: «Мүшріктерден толықтай өзгеше болыңдар» және «Кімде-кім қай қауымға еліктесе ол солардан», — деген сөздерін келтіргенбіз.
Біл, сәләф-салихтардың уақытында кәпірлердің мерекелерінде бірге қатысқан мұсылман адам болған емес. Шынайы мұсылман, ол сәләф-салихтардың, Пайғамбарымыз ﷺ хадистерімен, шыншылдардың, шәһидтердің жолымен жүретін адам. Аллаһ баршамызды соларға ерушілерден қылсын! Көптеген надандардың және Аллаһты ұмытқан ғалымдардың кәпірлерге ұқсауда беріліп кеткеніне мұсылман адам мән бермеуі керек.
Фудайл ибн Ияд айтқан: «Тура жолға ер, әрі саған құтылғандардың санының аздығы зиян тигізбесін. Адасқан жолдардан аулақ бол, әрі опат болғандардың санының көптігімен алданба!»
Иә Аллаһым! Өзіңнің мейріміңмен біздерді тура жолды жүрушілердің қатарынан, Пайғамбарымыз ﷺ хадистеріне ерушілерден қыл! Құрдымға ұшырағандардың қатарынан, кәпірлердің жолымен жүрушілерден емес…"
әс-Суюти, «Әмру бил-иттибағ уә нәхиу ән ибтидағ», 67-69 бет
Одан кейін, бұл мереке біздің ата-бабамыздың өмір-тіршілігінде де, әдет-ғұрпында да болған емес! Бұл кеше ғана атеистік кеңес заманында қосылған дүние.
Сондай-ақ, бұл күнде қаншама зияндар, күнәлар орын алатындығында ұмытпаған жөн. Жын-ойнақтың көбеюі, арақ-шарап ішу, зина жасау, әйелдердің жалаңаштануы,қыздардың пәктігінен айырылуы, шектен тыс ысыраптың орын алуы, ұяттың азаюы т.б сансыз күнәлар орын алады бұл күнде.
Ескере кететін нәрсе, біздің елде бұл мемлекеттік мереке ғой деушілерге айтарымыз, біздің ел зайырлы мемлекет екенін білуіміз қажет.
Сөз соңында, бұл мейрамда титтей де жақсылық жоқ. Сол үшін де, әр амалы есепке тартылатын Махшар күніне азық жинаған әрбір адам бұл күнді атап өтуден бас таруы керек және адамдарды осыған шақыруы тиіс.
Алла Тағала айтады:
«Сендердің араларыңда мынадай жамағат болсын, олар басқаларды игілікке шақырып, жақсылыққа үндесін. Жамандықтан тыюға тырыссын. Міне, осылар нағыз мақсатына жеткендер» (Әл-Имран» сүресі, 104-аят)
Аллаһ Тағала бәрімізге тауфиқ берсін!
Құрметпен, Жәннатқа асығыңдар ツ
